Студентскиот дом „Кузман Јосифовски Питу“, е изграден во 1950-тите години како јавна установа за остварување на интересите и потребите на студентите кои студираат надвор од своето место на живеење. Лоциран е на аголот кој го формираат две важни артерии во главниот град Скопје – Булеварите „Свети Климент Охридски“ и „Митрополит Теодосиј Гологанов“, а именуван е по македонскиот комунист и народен ослободител.
Како установа од јавен интерес, домот на студентите им обезбедува сместување, исхрана, здравствена грижа, културно-забавни, спортско-рекреативни и други активности. Право на сместување добиваат сите студенти кои ги исполнуваат условите одредени од Министерството за образование и наука.
Од своите дамнешни почетоци, „Кузман Јосифовски Питу“ обезбедува дом далеку од дома за безброј студенти во текот на децениите, грижејќи се за нивните потреби, а неговата еволуција низ годините се менува заедно со динамичните потреби на неговите жители.
Покрај сместувачките капацитети, студентите имаат пристап до различни удобности, вклучително и заеднички простории за учење, простории за исхана и простории за рекреација, поттикнувајќи енергична и поддржувачка атмосфера во заедницата.
Реконструкцијата опфаќа промена на водоводната и електричната инсталација со нови современи системи и оперма, промена на инсталацијата за греење, на санитарните јазли, изработка на енергетски ефикасна фасада и поставување на фотоволтаици за производство на електрична енергија. Проектот опфаќа и санирање на заедничките простории за учење и подигнување на безбедноста на студентите.
