Ги инспирираме младите студентски умови со
еко-домување од иднината!

Девет студентски домови во државата ќе добијат комплетно нов лик, а студентите подобри услови за учење и живеење.
Проект „Енергетски ефикасна рехабилитација на студентски домови во Северна Македонија“ на Министерството за образование и наука на РСМ, финансиран од KfW Германската развојна банка преку поддршка од 20 милиони евра и 5 милиони евра грант преку WBIF Програмата за регионална енергетска ефикасност за Западен Балкан (REEP+) на Европската Унија.

Студентски домови каде удобноста е приоритет

Преку холистички пристап, со реконструкцијата студентските домови ќе добијат подобрена одржливост и енергетска ефикасност, што ќе придонесе за почиста животна средина и за финансиски заштеди, а истовремено зголемување на комфорот и подобрување на целокупното животно искуство за студентите.

Области на реконструкција

Промена на водоводната инсталација во домовите и отстранување на причините за појава на влага во објектите со нови современи системи кои гарантираат одржливо снабдување со вода за студентите.

Промена на комплетната електрична инсталација и замената на електричната опрема со поставување на енергетски ефикасни LED светилки, промена на инсталацијата за греење со нови енергетски фикасни системи.

Комплетна промена на санитарните јазли и санитаријата во објектите со нови решенија со кои ќе се зголеми хигиената и ќе се намали потрошувачката на вода и оперативните трошоци во домовите.

Изработка на енергетски ефикасни фасади на објектите која интегрира енергетски ефикасни материјали и изолација и поставување на фотоволтаични системи за производство на електрична енергија.

Санирање на заедничките простории за учење и подобрување на средината за учење, со цел зголемување на удобноста, подигнување на безбедноста на студентите и заштита на животната средина.

Инвестираме во нов модерен студентски стандард

Му посакуваме добредојде на одржливото и паметно домување. Нашата мисија е да го револуционизираме студентското живеење преку трансформирање на студентските домови во енергетски паметни заедници и да овозможиме подобрување на животниот стандард на студентите.

Посветени сме на подобрување на благосостојбата на сегашните и идни студенти, намалување на влијанието врз животната средина и негување култура на одржливост преку иновативни решенија и иницијативи.

Создаваме студентски домови на кои им е приоритет удобноста, достапноста и грижата за животната средина, охрабрувајќи ги студентите да напредуваат во енергична, еколошка заедница.

Заедно, градиме посветла иднина!

Дознај повеќе

Преку квалитетно образование и системски услови да обезбедиме секој млад студент да ги оствари своите потенцијали!

Активни проекти

Студентски дом
Студентски дом„ Кузман Јосифовски Питу“
  • Скопје
  • 18 месеци
Прегледај го проектот
Студентски дом
Студентски дом „Стив Наумов“
  • Скопје
  • 18 месеци
Прегледај го проектот

Новости

Најновите вести, написи и важни соопштенија

Погледни ги сите новости
Започнуваат градежните активности во рамките на проектот „Енергетски ефикасна рехабилитација на студентските домови во Република Северна Македонија“
October 11, 2024

Во обид да помогне во зајакнување на образовната инфраструктура и подигнување на студентското искуство во земјата, Европската Унија во соработка со KFW и WBIF програмата за Западен Балкан со гордост го започнува проектот „Енергетски ефикaсна рехабилитација на студентските домови во Северна Македонија“. Со цврста посветеност кон негување на следните генерации студенти, оваа иницијатива најавува нова ера на подобрени животни стандарди и погодни средини за учење за студентите ширум земјата.

Прочитај повеќе

Често поставувани прашања

Проектот опфаќа реконструкција на девет државни студентски домови во повеќе градови во Северна Македонија, Во првата фаза ќе се реконструираат домовите „Кузман Јосифовски Питу“ и „Стив Наумов“ во Скопје, потоа во втората фаза е предвидена реконструкција на домовите „Томе Стефановски-Сениќ“ во Скопје, „Никола Карев“ во Охрид, „Браќа Миладиновци“ во Штип и „Народен херој Орде Чопела“ во Прилеп. Третата фаза ќе ги опфати домовите „Кочо Рацин“ во Битола, „Пелагонија“во Скопје, како и мензата на „Гоце Делчев“во Скопје.

Проектот „Енергетски ефикасна рехабилитација на студентски домови во Северна Македонија“ се реализира од страна на Министерството за образование и наука на Република Северна Македонија преку поддршка од 20 милиони евра и 5 милиони евра грант преку WBIF Програмата за регионална енергетска ефикасност за Западен Балкан (REEP+) на Европската Унија.

Принципот на реконструкцијата е холистички, а опфаќа првично промена на водоводната инсталација во домовите и отстранување на причините за појава на влага во објектите, промена на комплетната електрична инсталација и замената на електричната опрема со поставување на енергетски ефикасни LED светилки, промена на инсталацијата за греење,
комплетна промена на санитарните јазли и санитаријата, изработка на енергетски ефикасни фасади на објектите и поставување на фотоволтаици за производство н електрична енергија. Проектот опфаќа и санирање на заедничките простории за учење и подобрување на средината за учење, подигнување на безбедноста на студентите и заштита на животната средина.

Согласно утврдената динамика, реконструкцијата на студентските домови во рамките на проектот ќе се одвива во три фази, а целокупната реализација на проектот се очекува дa заврши во рок од 44 месеци. Во првата фаза, проектот започнува со реконструкција на студентските домови „Кузман Јосифовски Питу“ и „Стив Наумов“ во Скопје, а нивната реконструкција е предвидено да трае 18 месеци.